सल्यानी समाज दक्षिण कोरिया द्वारा संस्थाको वार्षिक कार्यक्रम अनुसार वि.सं. २०८२ मंसिर महिनामा सल्यान जिल्लाको दार्मा गाउँपालिका तथा बागचौर नगरपालिकामा अध्ययनरत विद्यार्थीहरूलाई न्यानो कपडा वितरण कार्यक्रम सफलतापूर्वक सम्पन्न गरिएको छ।
यस कार्यक्रमअन्तर्गत आर्थिक रूपमा कमजोर तथा आवश्यकता भएका विद्यार्थीहरूलाई जाडोबाट जोगाउन न्यानो कपडा वितरण गरिएको थियो। कार्यक्रमले विद्यार्थीहरूको स्वास्थ्य र अध्ययनमा सकारात्मक प्रभाव पार्ने विश्वास लिइएको छ।
समाजका सदस्यहरू तथा सहयोगीहरूको आर्थिक तथा नैतिक सहयोगबाट कार्यक्रम सफल बनाउन सम्भव भएको हो। यस प्रकारको सहयोगात्मक कार्यक्रमले जन्मभूमिप्रति जिम्मेवारी र सामाजिक सेवाको भावना झल्काएको छ।
सल्यानी समाज दक्षिण कोरिया आगामी दिनहरूमा पनि यस्ता सामाजिक तथा सहयोगात्मक कार्यक्रमहरू निरन्तर सञ्चालन गर्ने प्रतिबद्धता व्यक्त गर्दछ।
